БҮЖИГЧДЭД ӨГӨХ ЗӨВӨЛГӨӨ Бэлтгэл сургуулилт бол юуны өмнө нэг үйлдлийг давтах үйл явц юм. Хэрвээ чи шинэ хөдөлгөөн эсвэл зохиомж (хувилбар, бүдүүвч, холболт) сурч байгаа бол алхам бүрийг нь олон олон удаа давтах хэрэгтэй. Хэрвээ чи хүчтэй сайхан хөдөлгөөнтэй болохыг хүсвэл тухайн хүчийг олон олон удаа давтах хэрэгтэй.
 

Нэгдүгээр байрлал
Тод цохилттой Латин хөгжим тавьж, өсгийнүүд нийлж өлмий гадагш эргэсэн Нэгдүгээр байрлалаар зогсоно. Хөгжмийн цохилтод нийцүүлэн өвдөгнүүдээ ээлжлэн нугалж эхэл. Мэдээжийн хэрэг өвдгөө нугалахын өмнө бүрэн эгцэлсэн байх ёстой шүү.
 

1. Мөрний шугамын түвшинг хадгална. Биеэ битгий бүхлээр нь ганхуулж найгуул. Ташаануудын өнцөг өөрчлөгдөх үед та мөрнүүдийн түвшинг үлдээн барихын тулд их биеийн тохирох талыг сунгаж ба богиносгон нөхөж өгнө. Их биеийн нугарсан өвдөгний дээрх тал сунасан, эгцэрсэн өвдөгний дээрх тал шахагдан богиноссон байх ёстой.

Өөрийн ташааны хөдөлгөөний далайцыг илүү их болгохын тулд дараах техникүүдийг мөрдөнө:

1. Биеэ урагш барина (Poise). Латин бүжгүүдэд биеийн жин үргэлж хөлийн өлмийн хэсэгт өгөгддөг. Энэ нь ташааг сээр нурууг тойрон эргэх хөдөлгөөн хийхийг хялбар болгоно.